विश्व शान्तिको स्थापनाको लागि जीवन दिएका चार नेपाली शान्ति सैनिकलाई ड्याग ह्यामरसोल्ड अवार्ड

संयुक्त राष्ट्र संघ (यूएन) ले प्रदान गर्ने महत्वपूर्ण पुरस्कारको रुपमा ‘ड्याग ह्यामरसोल्ड’ अवार्ड पर्छ भने नेपालमा सेनाभित्र दिइने महत्वपूर्ण अवार्डको रुपमा प्रधानसेनापति प्रसंशा पत्रलाई लिइन्छ । यूएनले विभिन्न मिसन र समयमा मृत्यु भएका मितिहरुमा मृत्यु भएका शान्ति सैनिकहरुलाई मरणोपरान्त अवार्ड प्रदान गरेको हो ।

नेपाली सेनाका युद्धकार्य विभागका विभागीय प्रमुख उपरथी प्रेमध्वज अधिकारीले चारै शान्ति सैनिकका परिवारका सदस्यलाई अवार्डहरु प्रदान गरेका हुन् । नेपाली सेनाका अनुसार अवार्ड पाउनेहरुमा थिरप्रसाद गौतम, दीपेन्द्र वस्ती, अनिल गुरुङ र पशुपति कार्की हुन् ।

स्पेशल गार्ड युनिट दोस्रो डफ्फा लिबियाका काम गर्दा जमदार गौतमको २०७७ साल वैशाख १८ मा ज्यान गएको थियो । प्युठ वस्तीको २०७८ साल मंसिर १९ मा हाई रेडिनेस गुल्म पाँचौ डफ्फा अनमिस मिसन दक्षिण सुडानमा काम गर्दा ज्यान गएको थियो ।