नेवार समुदायमा आज आत्म (म्हः) पूजा गरिँदै

कात्तिक शुक्ल प्रतिपदाका दिन नेवार समुदायमा महत्वपूर्ण आत्म (म्ह:) पूजा गरिँदैछ।धर्मशास्त्रविद् प्रा डा रामचन्द्र गौतमका अनुसार, मानिसको आत्मा सबैभन्दा ठूलो र महत्वपूर्ण हो, त्यसैले आत्म पूजा गर्नुपर्ने शास्त्रीय परम्परा छ। आत्म सन्तुष्ट र खुसी राख्दा देवी-देवता पनि प्रसन्न भई आशीर्वाद दिने धार्मिक विश्वास छ।

यो पूजा पर्व नेवार समुदायको बाहुल्यता हुने ठाउँहरू काठमाडौँ, ललितपुर, भक्तपुर, बनेपा, धुलिखेल, पनौती, बाह्रबिसे, चौतारालगायत स्थानमा मनाइन्छ।