पाइलटको अनिवार्य अवकाशको उमेर विस्तार गरेर ६७ वर्षमा लैजान प्रस्ताव अस्वीकृत

अन्तर्राष्ट्रिय नागरिक उड्डयन संगठन  ले वायुयान चालक पाइलटको अनिवार्य अवकाशको उमेर ६५ वर्षमै कायम राख्ने निर्णय गरेको छ, विस्तार गरेर ६७ वर्षमा लैजान प्रस्ताव अस्वीकृत भएको छ। यो निर्णयले विश्वव्यापी उड्डयन क्षेत्रमा कार्यबल र सुरक्षा मापदण्डका विषयमा विवादलाई निम्त्याएको छ।अन्तर्राष्ट्रिय नागरिक उड्डयन संगठन को ४२औं महासभामा पाइलट अवकाश उमेर बढाउने प्रस्ताव आईएटीएले अघि सारेको थियो जसले पाइलट अभावलाई सम्बोधन गर्न सक्ने दावी गरेको थियो। क्यानडा, अष्ट्रेलिया, न्यूजिल्याण्ड जस्ता देशहरूमा उमेर सिमा बिना फिटनेस परीक्षणमा आधारित प्रणाली भएकाले विश्वव्यापी एकरूपता आवश्यक भएको तर्क समेत गरिएको थियो। तर, पाइलट युनियनले उमेर बढी भएपछि स्वास्थ्य र संज्ञानात्मक जोखिम बढ्ने भन्दै विरोध जनायो।

अमेरिकाबाट समेत समर्थन पाएका प्रस्तावलाई अन्ततःअन्तर्राष्ट्रिय नागरिक उड्डयन संगठन ले लापरवाहीपूर्ण सुरक्षा जोखिम बढ्ने भन्दै अस्वीकृत गर्यो। क्यानडा, अष्ट्रेलिया, बेलायत लगायत केही देशहरूले समर्थन जनाए पनि महासभाले वर्तमान ६५ वर्षको सीमा कायम राख्ने निर्णयमा सहमति जनाएको छ। यसले अन्तर्राष्ट्रिय नागरिक उड्डयन संगठन को सुरक्षा प्राथमिकता माथि कार्यबल लचिलोपनलाई प्राथमिकता नदिनेजस्तो नीति प्रष्ट देखाएको छ। आगामी समयमा यो विषय पुनः उठ्न सक्छ तर हालको अवस्थामा पाइलट अवकाश उमेर ६५ वर्षमै कायम रहनेछ।