के २०२६ मा पनि कृत्रिम बुद्धिमत्ता (AI) को बूम जारी रहला?
- Jan Wed, 2026
- in ग्लोबल गन्थन
कृत्रिम बुद्धिमत्ता ले पछिल्लो केही वर्षयता विश्व अर्थतन्त्र र प्रविधि क्षेत्रमा अभूतपूर्व परिवर्तन ल्याएको छ। २०२५ मा विश्वका ठूला प्रविधि कम्पनीहरूले कृत्रिम बुद्धिमत्ता क्षेत्रमा गरेको रेकर्ड तोड लगानी पछि अब मुख्य प्रश्न उठेको छ— के २०२६ मा पनि यो बूम टिकिरहन्छ?
अमेरिका, चीन र युरोपका ठूला टेक कम्पनीहरूकृत्रिम बुद्धिमत्ता क्षेत्रमा प्रभुत्व जमाउने प्रतिस्पर्धामा छन्। नयाँ–नयाँ कृत्रिम बुद्धिमत्ता मोडेल, सुपरकम्प्युटिङ डाटा सेन्टर, चिप निर्माण र क्लाउड प्रविधिमा अर्बौँ डलर लगानी भइरहेको छ।विशेषज्ञहरूका अनुसार २०२६ मा कृत्रिम बुद्धिमत्ता विकास अझै तीव्र रहने सम्भावना छ, तर लगानीको स्वरूप परिवर्तन हुन सक्छ। अब “जति सक्दो खर्च” भन्दा पनि व्यवहारिक प्रयोग, नाफा र दक्षता मा बढी ध्यान केन्द्रित हुने देखिन्छ।२०२५ मा देखिएको आक्रामक खर्च दीर्घकालीन रूपमा सबै कम्पनीका लागि सम्भव नहुन सक्छ। ऊर्जा खर्च, चिप अभाव, डाटा गोपनीयता र नियमन जस्ता चुनौतीहरूले कृत्रिम बुद्धिमत्ताI लगानीलाई सीमित गर्न सक्छन्।तर स्वास्थ्य, शिक्षा, बैंकिङ, रक्षा, मिडिया र उत्पादन क्षेत्रमा कृत्रिम बुद्धिमत्ता को प्रयोग बढ्दै गएकाले कृत्रिम बुद्धिमत्ता पूर्ण रूपमा सुस्ताउने सम्भावना कम रहेको विश्लेषकहरूको भनाइ छ।
२०२६ लाई लक्षित गर्दै केही प्रविधि ग्याजेटहरू मुख्यधारमा आउन सक्ने अनुमान गरिएको छ:
- कृत्रिम बुद्धिमत्ता–सञ्चालित स्मार्टफोनजहाँ क्यामेरा, ब्याट्री, अनुवाद र व्यक्तिगत सहायक सबै कृत्रिम बुद्धिमत्ताद्वारा चलाइनेछन्।
-
स्मार्ट चश्मारियल–टाइम अनुवाद, नेभिगेसन र सूचना देखाउने चश्मा सामान्य प्रयोगमा आउन सक्छ।
- कृत्रिम बुद्धिमत्ता पर्सनल असिस्टेन्ट डिभाइसमोबाइलभन्दा बाहिर छुट्टै कृत्रिम बुद्धिमत्ता डिभाइस, जसले दैनिक जीवन व्यवस्थापन गर्छ।
-
घरका स्मार्ट रोबोटहरूसरसफाइ, हेरचाह र सुरक्षामा प्रयोग हुने साना रोबोटहरू।
-
स्वास्थ्य निगरानी वेयरेबल्समुटुको अवस्था, तनाव, निद्रा र रोगको पूर्व संकेत दिने उपकरणहरू।
