आटी नेपालको साहासिक घोषणा: जेन जेड शहीद परिवारलाई रोजगारीको अवसर

काठमाडौं, आटी नेपाल ले हालै सम्पन्न जेन जेड आन्दोलनका शहीद परिवारहरूलाई एक-एक जना रोजगारी प्रदान गर्ने ऐतिहासिक घोषणा गरेको छ। यो घोषणा देशव्यापी युवा आन्दोलनको क्रममा भएको हिंसात्मक घटनामा ज्यान गुमाएका शहीदहरूको परिवारप्रति संघको सकारात्मक प्रतिबद्धता हो।

अध्यक्षले जारी गरेको पत्रमा भनिएको छ, 'नेपालका विभिन्न भागमा भएको जेन जेड आन्दोलनमा सहादत प्राप्त गर्ने शहीद परिवारहरूलाई सम्मान गर्दै प्रत्येक परिवारलाई एक जना रोजगारीको अवसर उपलब्ध गराउने प्रतिबद्धता गर्दछौं।' यो घोषणा कृषि प्रविधि क्षेत्रमा आधारित हुनेछ, जसले शहीदहरूको परिवारका सदस्यहरूलाई सम्मानपूर्वक जीविकोपार्जनको माध्यम प्रदान गर्नेछ।

जेन जेड आन्दोलन, जसले भ्रष्टाचार, सामाजिक सञ्जालमाथिको प्रतिबन्ध र युवा बेरोजगारीविरुद्ध आवाज उठाएको थियो, सेप्टेम्बर ८ र ९ मा हिंसात्मक रूप लिएको थियो। यसमा कम्तीमा ७२ जनाले ज्यान गुमाएका थिए, जसलाई सरकारले शहीद घोषणा गरी आर्थिक सहायता प्रदान गरेको छ। तर, एटीआई नेपालको यो पहलले आर्थिक सहायताभन्दा माथि उठेर दीर्घकालीन समर्थनको सन्देश दिएको छ।

शहीद परिवारहरूले यस घोषणालाई स्वागत गर्दै यसलाई देशको परिवर्तनको सकारात्मक सुरुवात ठानेका छन्। संघले इमेल (aatinepal2080@gmail.com) मार्फत आवेदन प्रक्रिया सुरु गरेको छ। यो कदमले निजी क्षेत्रको सामाजिक उत्तरदायित्वलाई थप मजबुत बनाउने अपेक्षा गरिएको छ।