अमेरिकी यातायात मन्त्रीले अन्तरराष्ट्रिय नागरिक उड्डयन संगठनको आलोचना

अमेरिकी यातायात मन्त्री सीन डफीले अन्तरराष्ट्रिय नागरिक उड्डयन संगठनले आफ्नो मुख्य मिशनबाट विचलित भएको भन्दै आलोचना गरेका छन्। उनले संगठनलाई सुरक्षा र संरक्षामा केन्द्रित हुन सुधारको आवश्यकता रहेको बताए।

मोन्ट्रियलमा भएको  अन्तरराष्ट्रिय नागरिक उड्डयन संगठनको त्रैवार्षिक सभालाई सम्बोधन गर्दै डफीले भने, "अन्तरराष्ट्रिय नागरिक उड्डयन संगठन ले आफ्नो उचित कार्यक्षेत्रभन्दा धेरै बाहिर गएर सामाजिक कार्यक्रमहरू वा जलवायु वित्तपोषण पहलहरूमा महत्वपूर्ण स्रोतहरू खेर फालिरहेको छ, जसको विश्वव्यापी हवाई यातायात प्रणालीको सुरक्षा, संरक्षा र दक्षतासँग कुनै सम्बन्ध छैन," रायटर्सले उल्लेख गरेको छ।

उनले भविष्यमा अमेरिकाको अन्तरराष्ट्रिय नागरिक उड्डयन संगठन प्रति समर्थन संगठनको सुधारको प्रगतिलाई हेरेर निर्धारण गरिने बताए।

यो टिप्पणी अन्तरराष्ट्रिय नागरिक उड्डयन संगठन  सदस्यहरूले वातावरणीय लक्ष्यहरू, विशेष गरी सन् २०५० सम्ममा शून्य उत्सर्जनको लक्ष्यबारे छलफल गरिरहेको बेला आएको हो। युरोपेली आयोगका दिगो यातायात र पर्यटन आयुक्त अपोस्टोलोस त्जित्जिकोस्तासले सभालाई सम्बोधन गर्दै हवाई उद्योगसँग सम्बन्धित धेरै मुद्दाहरूको अन्तरसम्बन्धका कारण जलवायु चिन्तालाई सम्बोधन गर्नु अन्तरराष्ट्रिय नागरिक उड्डयन संगठन को सुरक्षा र संरक्षा प्राथमिकतासँग मेल खाने बताए।

"यी कुनै पनि तत्वलाई अलग-अलग रूपमा हेर्न सकिँदैन," त्जित्जिकोस्तासले भने।

अमेरिकाले फ्रान्स, केन्या र बारबाडोसले समर्थन गरेको ग्लोबल सोलिडारिटी लेभिज टास्क फोर्सद्वारा प्रस्तावित प्रिमियम यात्रामा नयाँ अन्तरराष्ट्रिय करको पनि विरोध गरेको छ। अमेरिकाले प्रस्तुत गरेको एक कार्यपत्रमा यस्ता शुल्कहरूले "विश्वव्यापी हवाई यातायात प्रणालीको अखण्डता र दक्षतामा आघात पुर्‍याउने" तर्क गरेको छ। डफीले थपे, "यस्ता शुल्कहरू अन्तरराष्ट्रिय नागरिक उड्डयन संगठन को सिद्धान्तसँग बाझिन्छन्... किन अन्तरराष्ट्रिय हवाई यातायातलाई मात्र निशाना बनाउनुपर्ने?"