अमेरिकालाई थप अन्तर्राष्ट्रिय संस्थाहरूबाट बाहिर निकाल्ने घोषणा

अमेरिकी  राष्ट्रपति डोनाल्ड ट्रम्पले अमेरिकालाई थप अन्तर्राष्ट्रिय संस्थाहरूबाट बाहिर निकाल्ने घोषणा गरेपछि विश्व राजनीतिमा नयाँ बहस सुरु भएको छ। “अमेरिका फर्स्ट” नीतिलाई अघि सार्दै ट्रम्पले यी संस्थाहरूले अमेरिकी हितको पर्याप्त संरक्षण नगरेको आरोप लगाएका छन्।

उनका अनुसार, अन्तर्राष्ट्रिय सम्झौता र संस्थाहरूमा अत्यधिक संलग्नताले अमेरिकाको आर्थिक बोझ बढाएको छ र राष्ट्रिय स्वायत्ततामा असर पारेको छ। ट्रम्पको यो कदमले विश्वव्यापी सहकार्य, कूटनीति र बहुपक्षीय प्रणाली कमजोर हुने चिन्ता अन्तर्राष्ट्रिय समुदायले व्यक्त गरेको छ भने उनका समर्थकहरूले भने यसलाई अमेरिकाको हित सुरक्षित गर्ने साहसी निर्णयका रूपमा लिएका छन्।