कराची नजिकै बोइङ ७३७ कार्गो विमान रडारबाट हरायो, खोजी तथा उद्धार कार्य जारी

कराचीको पश्चिमी भागमा बोइङ ७३७ कार्गो विमान रडारबाट हराएको छ। विमानमा ५ जना सवार थिए। पाकिस्तान एयरपोर्ट्स अथोरिटी ( का अनुसार मंगलबार राति सवा ९ बजे (२१:१८ PST) के२ एयरवेजको उक्त विमान शारजाहबाट कराची आउँदै थियो।

विमानले नेभिगेसनल सिस्टममा समस्या देखिएको रिपोर्ट गरेपछि कराची एरिया कन्ट्रोल सेन्टरले मार्गदर्शन दिइरहेको थियो। तर केही मिनेटमै (२१:२१ PST) विमान रडारमा अत्यधिक तीव्र गतिमा तल झर्दै गरेको र दिशा परिवर्तन गर्दै गरेको देखिएको थियो। त्यसपछि कराचीबाट करिब १५५ नटिकल माइल पश्चिममा रडार सम्पर्क र सञ्चार पूर्ण रूपमा हराएको पाकिस्तान एयरपोर्ट्स अथोरिटीले जनाएको छ।

घटनापछि रेस्क्यू कोअर्डिनेसन सेन्टर सक्रिय पारिएको छ र विभिन्न एजेन्सी मार्फत समुद्रमा खोजी तथा उद्धार अभियान चलाइएको छ। विमान र सवार व्यक्तिहरूको खोजी कार्य तीव्र रूपमा भइरहेको छ।

यो घटनाले पाकिस्तानमा हवाई सुरक्षा सम्बन्धी चासो बढाएको छ। अहिलेसम्म विमान दुर्घटनाको कारणबारे आधिकारिक जानकारी बाहिर आएको छैन।