विधान उल्लङ्घन गर्ने एनजीओमाथि काठमाडौं प्रशासनको कडा कदम : छानबिन समिति गठन, नविकरण रोकिने चेतावनी
- Nov Wed, 2025
- in बिजिनेस प्रेस
काठमाडौं । जिल्ला प्रशासन कार्यालय काठमाडौंले विधान विपरीत गतिविधि गर्ने, कार्यसमितिले मनपरी ढङ्गले सञ्चालन गर्ने र आर्थिक अनियमिततामा संलग्न रहेका गैरसरकारी संस्था (एनजीओ/आइएनजीओ) माथि कडा छानबिन थालेको छ । छानबिनका लागि प्रशासकीय अधिकृतको संयोजकत्वमा तीन सदस्यीय समिति गठन गरिएको प्रमुख जिल्ला अधिकारी जितेन्द्र बस्नेतले जानकारी दिए ।“हामीकहाँ निरन्तर उजुरी आइरहेका थिए – कतिपय संस्थाले विधानमा उल्लेखित उद्देश्यभन्दा बाहिर गएर काम गरेका छन्, कार्यसमिति वर्षौंदेखि एउटै व्यक्ति हालीमुहाली छ, आर्थिक पारदर्शिता छैन,” प्रजिअ बस्नेतले भने, “त्यसैले अब कडाइका साथ अनुगमन र छानबिन थालिएको हो ।”छानबिन समितिले पहिलो चरणमा काठमाडौंमा दर्ता भएका करिब ५०० संस्थाहरूको कागजात, वार्षिक प्रतिवेदन, लेखापरीक्षण र कार्यक्रम विवरण अध्ययन गर्नेछ । दोस्रो चरणमा स्थलगत अनुगमन गरिनेछ ।सम्भावित कारबाहीहरू :
- आर्थिक अनियमितता भेटिएमा संस्थाको नविकरण तत्काल रोक्का
- कार्यसमितिको मनपरी ढङ्गले सञ्चालन भएमा समिति भंग गरी नयाँ निर्वाचन गराउने
- विधानविपरीत गतिविधि गरेमा दर्ता नै खारस्त गर्ने सम्मको कारबाही
