लन्डन लुटन विमानस्थलको विस्तारबारे निर्णय उच्च न्यायालयले गर्ने

लन्डन लुटन विमानस्थलको विस्तार योजना अब उच्च न्यायालयमा दायर गरिएको कानुनी मुद्दामार्फत निर्णय गरिने भएको छ।यो चुनौती “लुटन एन्ड डिस्ट्रीक्ट एसोसिएसन फर द कन्ट्रोल अफ एयरक्राफ्ट न्वाइज”  नामक अभियान समूहले दायर गरेको हो। समूहले विमानस्थल विस्तारका लागि दिइएको विकास स्वीकृति गैरकानुनी रूपमा प्रदान गरिएको दाबी गरेको छ।यातायात मन्त्री हेडी एलेक्जेन्डरले यो विस्तार योजनालाई अनुमोदन गरेकी थिइन्, यद्यपि योजना निरीक्षकहरूले यसले हुने भनिएका फाइदाहरूले वातावरणीय क्षतिलाई सन्तुलन गर्न नसक्ने निष्कर्ष निकालेका थिए।विस्तार योजनामा नयाँ टर्मिनल निर्माणसमेत समावेश गरिएको छ, जसअनुसार सन् २०४३ सम्म वार्षिक यात्रु संख्या ३२ मिलियन (३२ लाख) पुर्‍याउने लक्ष्य राखिएको छ — जुन हालको भन्दा करिब दोब्बर हो।यो कानुनी चुनौती मङ्गलवार र बुधबार उच्च न्यायालयमा सुनुवाइ हुँदैछ, तर अन्तिम निर्णय पछि आउने सम्भावना छ।

लुटन एन्ड डिस्ट्रीक्ट एसोसिएसन फर द कन्ट्रोल अफ एयरक्राफ्ट न्वाइज का अध्यक्ष एन्ड्रु ल्यामबोर्नले भने, “सरकारले आफ्नो विस्तार योजनाले कानुनी रूपमा बाध्यकारी ‘नेट–जिरो’ (शून्य उत्सर्जन) प्रतिबद्धतासँग कसरी मेल खान्छ भन्ने कुरा स्पष्ट पारेको छैन।”उनले थपे, “विमानस्थल विस्तारका भनिएका आर्थिक फाइदाहरूले जलवायु परिवर्तनमा पर्ने नकारात्मक असर र पर्यटन सन्तुलन घाटालाई सन्तुलन गर्न सक्दैनन् भन्ने कुरा प्रमाणित भएको छ।”लुटन राइजिङ नामक कम्पनीका प्रवक्ताले भने, “हामी यस कानुनी प्रक्रियामा सरोकारवालाको रूपमा सहभागी छौँ, त्यसैले हाल थप टिप्पणी गर्नु उपयुक्त हुँदैन।”प्रधानमन्त्री सर केयर स्टार्मरका प्रवक्ताले यसअघि भनेका थिए कि यो योजना “हाम्रो परिवर्तनका लागि बनाइएको योजनाको हिस्सा रूपमा आर्थिक वृद्धिमा सहयोग गर्ने” प्रयास हो।