नेपालमा १२२ दल दर्ता, २८ प्रक्रियामा — राजनीति अझै तातिँदै!

काठमाडौ। निर्वाचन आयोगका अनुसार हालसम्म १२२ राजनीतिक दल दर्ता भइसकेका छन्, भने थप २८ दल दर्ता प्रक्रियामा रहेका छन्। आगामी निर्वाचन नजिकिँदै जाँदा आयोगमा दल दर्ताका लागि गरिएको आवेदनको संख्या तीव्र रूपमा बढ्न थालेको छ।

नयाँ दलहरूको वृद्धि देशको बहुदलीय राजनीतिक वातावरण अझ सक्रिय हुँदै गएको संकेत मानिएको छ। आयोगले प्रक्रियामा रहेका दलहरूको कागजात तथा प्रमाणहरूको प्रारम्भिक अध्ययन जारी राखेको जनाएको छ। आवश्यक सबै प्रक्रिया पूरा भएपछि ती दलहरू पनि औपचारिक दर्ता सूचीमा समावेश गरिने छ।