संस्थान घटाउने घोषणा उल्ट्याउँदै फेरि नयाँ सिँचाइ कम्पनी थप्ने निर्णय
- Dec Wed, 2025
- in बिजिनेस प्रेस
काठमाडौँ। “सार्वजनिक संस्थान घटाउने, संरचना सुधार्ने” भन्दै आएको सरकारले आफ्नै घोषणा उल्ट्याउँदै फेरि एउटा नयाँ ‘सेतो हात्ती’ जन्माउने भएको छ। गत सोमबार बसेको मन्त्रिपरिषद् बैठकले ऊर्जा, जलस्रोत तथा सिँचाइ मन्त्रालय मातहत “सिँचाइ व्यवस्थापन कम्पनी लिमिटेड” नामको नयाँ सार्वजनिक संस्थान स्थापना गर्ने निर्णय गरेको हो।यो कम्पनीको अधिकृत पूँजी ३ अर्ब रुपैयाँ तोकिएको छ। लगानीकर्तामा नेपाल सरकार, प्रदेश सरकार, स्थानीय तह, कृषक, वित्तीय संस्था, उद्योगी–व्यवसायी र नेपाल विद्युत् प्राधिकरणसमेत रहनेछन्। कम्पनीले नवीनतम यान्त्रिक सिँचाइ आयोजना (सोलार, लिफ्ट, ड्रिप आदि) सञ्चालन गर्ने जिम्मेवारी पाउनेछ।तर, यो निर्णय ठीक त्यतिबेला आएको छ जबः
- सार्वजनिक खर्च पुनरावलोकन आयोग २०७५ ले ४४ वटै सार्वजनिक संस्थानमध्ये धेरैजसो खारेज वा निजीकरण गर्न सिफारिस गरेको थियो।
- उच्चस्तरीय आर्थिक सुधार सुझाव आयोग २०८१ ले पनि “संस्थान संख्या घटाएर १०–१५ मा झार्न सिफारिस गरेको छ।
- हालसम्म सरकारले ४४ वटा सार्वजनिक संस्थानमा ७ खर्बभन्दा बढी लगानी गरिसकेको छ तर प्रतिफल जम्मा २ प्रतिशत हाराहारी मात्र छ।
