भूकम्पले होइन, लाजले ढलेको धरहरा

धरहरा

एउटा सत्य

भूकम्पले ढालेको हो - धरहरालाई

तर

धेरैलाई थाहा छैन

धरहरा - लाजले ढलेका हुन्

मौका छोपेर भूकम्पको ।

हुन त उहिल्यै ढल्न मन थियो- धरहरालाई

जुन बेला - सेरिएका थिए भीमसेन

जुन बेला - चढ्नुपरेको थियो बलि

हजारौं सन्तानहरूले आफ्नै घरमा

जुन बेला - फेरिएका थिए सिंहहरूको अनुहार धमिराहरूमा

जुन बेला - सीमापारि क्रय-विक्रय हुँदैथ्यो घरको लाज

हुन त उहिल्यै विश्राम लिन मन थियो - धरहरालाई

जुन बेला - अग्लिँदै थिए धमिरे पहाडहरूको उचाइ