मानव तस्करीले नेपालीको छवि विश्वसामु धमिलो बनाएको छ:सुदन किराती

माओवादी केन्द्रका सांसद सुदन किरातीले शनिबार धनकुटाको छथर गाउँपालिकाको अधिवेशनमा बोल्दै गृहमन्त्रीको राजीनामा माग गरे। उनले भिजिट भिसाको नाममा मानव तस्करीले नेपालीको छवि विश्वसामु धमिलो बनाएको भन्दै राजीनामा नदिए संसद्लाई लडाइँको मैदान बनाउने चेतावनी दिए। किरातीले माओवादीले भ्रष्टाचारविरुद्ध लड्दा राजावादी र भ्रष्टाचारीहरूसँग जटिल अवस्थामा उभिनुपरेको पीडा व्यक्त गरे। उनले माओवादी गणतन्त्रको पक्षमा बलिदानीपूर्ण ढंगले गर्जिनुपर्ने र भ्रष्टाचारीहरूको भण्डाफोर गर्नुपर्ने बताए। साथै, माओवादी आफ्नै खुट्टामा उभिनुपर्ने र भ्रष्टाचारलाई कुनै हालतमा नसहने जिकिर गरे।