काठमाडौंका सिडिओ छवि रिजाल आलोचनापछि फोन बन्द र फेसबुक निष्क्रिय

काठमाडौं, भदौ २३, २०८२ - काठमाडौंका प्रमुख जिल्ला अधिकारी (सिडिओ) छवि रिजालले गोली चलाउने आदेश दिएको भन्दै व्यापक आलोचनापछि 'अर्ध-भूमिगत' भएको खबर प्राप्त भएको छ। अर्थ सरोकारको एक रिपोर्टअनुसार, उनको फोन बन्द रहेको छ भने फेसबुक खाता पनि निष्क्रिय गरिएको छ।रिपोर्टमा उल्लेख भएअनुसार, रिजालका दुई छोरीहरू हाल विदेशमा छन्, र उनी आफ्नो घर फर्केका छैनन्। यस्तो अवस्थामा उनी कुनै राजनीतिक नेताको संरक्षणमा रहेको हुन सक्ने अनुमान गरिएको छ। साथै, उनको तस्बिर जिल्ला प्रशासन कार्यालयको वेबसाइटबाट हटाइएको छ।यो घटनाको पृष्ठभूमिमा रिजालले काठमाडौंमा सामाजिक सञ्जालमाथिको प्रतिबन्ध र भ्रष्टाचारविरुद्धको 'जेन जी' प्रदर्शनलाई नियन्त्रण गर्न कर्फ्यू आदेश जारी गरेका थिए। प्रदर्शनकारीहरूले संसद् भवनमा प्रवेश गरेपछि प्रहरीले आँसु ग्यास, रबर गोली र लाठीचार्ज गरेको थियो, जसमा कम्तीमा १४ जनाको मृत्यु भएको र दर्जनौं घाइते भएको विभिन्न सञ्चारमाध्यमले जनाएका छन्। रिजालले सार्वजनिक सम्पत्तिको रक्षाका लागि 'रबर गोली चलाउन' आदेश दिएको समाचारमा उल्लेख छ, जसले व्यापक विवाद सिर्जना गरेको छ।