संसद अवरोध प्रकरण: व्यक्तिगत तहमै उत्रे धनराज गुरुङ,ओलि लक्षित अशिष्ट व्यबहार गरेको एमालेको आरोप

प्रतिनिधि सभाको बिहिवारको वैठक तनावग्रस्त भइरहँदा कांग्रेस उपसभापति धनराज गुरुङ एमाले अध्यक्ष तथा पुर्व प्रधान्मन्त्री केपी शर्मा ओली माथि उत्तेजित हुदै प्रस्तुत भए । चर्को स्वरमा नाराबाजी गरिरहेका गुरुङलाई सुरुमा ओलीले कोट्याएर केही भनेलगत्तै गुरुङले ओलीप्रति उत्तेजित हाउभाउ देखाएका थिए ।

‘गृहमन्त्रीलाई जान दिन्नँ, म जसरी नि रोक्छु । म रोक्छु, रोक्छु । कसले छेक्न सक्छ’, भन्दै गुरुङ प्रस्तुत भएका ती नेताले बताए ।

त्यसक्रममा कांग्रेसका धनराज गुरुङले ओलीको नजिकै गएर औंला उझ्याउँदै अभद्रर अशिष्ट व्यवहार गरेका थिए ।

गुरुङ हात हाल्ने ढंगले प्रस्तुत भएपछि एमालेका प्रमुख सचेतक महेश वर्तौला,ठाकुर गैरे,रघु जि पन्त,सुर्य थापालगायत प्रतिवादमा उत्रिएका थिए । त्यसपछि हात हालाहाल भएको हो ।

संसदमा गृहमन्त्री लामिछानेलाई बोल्न सभामुख देवराज घिमिरेले बोलाएपछि कांग्रेसले नाराबाजी गर्दै रोक्न खोजेको थियो । त्यस क्रममा कांग्रेस र एमालेका सांसदहरुबीच धकेलाधकेल भएको थियो । त्यसपछि सभामुख घिमिरेले संसद स्थगित गरेका थिए । लामो संसदिय अनुभव भएको काङ्ग्रेस पार्टी यसरी संसदमा प्रस्तुत हुँदा यसको सर्बत्र आलोचना भैरहेको छ।

उता कांग्रेसले भने सभामुख घिमिरे एमालेको निर्देशनमा चलेको आरोप लगाएको छ भने आफूहरुले अभद्र व्यवहार नगरेको दाबी गरेको छ ।