शिक्षामन्त्रीको गुनासो "संसदमा कसका लागि आएको हो?"

शिक्षामन्त्री सुमना श्रेष्ठले संसदमा भएको क्रियाकलाप प्रती गुनासो गरेकी छन। आफ्नो सामाजिक संजाल एक्स मा लेख्दै उनले सो कुरा बताएकी हुन। उनले एक्समा लेखेकी छन," संसदमा कसका लागि आएको हो ? नागरिकको लागि, आफ्नो दलको लागि या आफ्नै लागि मात्र ?"

उनी अगाडी थप्छिन"मेरो पुस्ता वाक्कदिक्क भइसक्यो यो घृणित क्रियाकलापबाट । न विधि बनाउन लागेको छ, न नीति बनाउन लागेको छ । भावुक गफ दिने, जनताको अपेक्षामाथि खेलवाड गर्ने, आफ्नो जिम्मेवारी मतलबै नगर्ने ?वर्षको एकचोटी आफ्नो चुनावी क्षेत्रका लागि मन्त्रीकोमा गएर 'योजना मागिदिने' बाहेक देशको भविष्यप्रति जनप्रतिनिधिको कुनै जिम्मेवारी हुँदैन त ? सांसदको काम आफ्नो निर्वाचन क्षेत्रमा बजेट लग्ने अनि पत्रिकाको हेडलाइन पढ्ने मात्र हो त ?" काङ्ग्रेसको संसद अवरोधले राजनीतिमा निराशा मात्र छाएको भन्दै काङ्ग्रेसको चौतर्फी आलोचना भैरहेको छ।