चिनियाँ मौनताले लिपुलेक विवादलाई थप शंकास्पद बनायो

भारत–चीनबीचको लिपुलेक सम्झौताप्रति नेपालले बारम्बार आपत्ति जनाउँदै आएको छ। प्रधानमन्त्री केपी शर्मा ओलीले हालै चीनका राष्ट्रपति सी चिनफिङलाई प्रत्यक्ष भेटेर मुद्दा उठाए पनि, चिनियाँ विदेश मन्त्रालयको विज्ञप्तिमा लिपुलेकको प्रसंग पूर्ण मौनतासहित बेपत्ता भयो।यसरी नेपालले उठाएको गम्भीर सीमासम्बन्धी विषयमा चीनले कुनै प्रतिक्रिया नदिँदा राजनीतिक तथा कूटनीतिक विश्लेषकहरूबीच ठूलो प्रश्न उठेको छ। कतिपयले चीनले भारतसँगको सम्बन्धलाई ध्यानमा राखेर मौनता अपनाएको अन्दाज गरे भने, कतिपयले नेपालसँगको विश्वासमै चिरा परेको संकेत देख्छन्।

नेपालको स्पष्ट अडान

नेपालले बारम्बार लिपुलेक, कालापानी र लिम्पियाधुरा आफ्नो भूभाग भएको दाबी गर्दै २०७७ सालमा नयाँ नक्सा प्रकाशित गरेको थियो। संविधानमै ती भूभागलाई समेटेर नेपालको सार्वभौमिक अधिकारलाई स्थापित गर्ने प्रयास भएको थियो।प्रधानमन्त्री ओलीले भेटमा सोही आधारमा लिपुलेक सम्झौतामाथि आपत्ति प्रकट गरेका हुन्।

चिनियाँ मौनता र शंका