जेन जी प्रदर्शन

हालैका दिनहरूमा सन् १९९७ देखि २०१२ बीच जन्मेका युवाहरू, जसलाई जेन जी (Generation Z) भनिन्छ, विभिन्न सामाजिक, राजनीतिक र आर्थिक मुद्दामा सडक आन्दोलनमा सक्रिय हुन थालेका छन्। उनीहरूको यो सक्रियताले प्रशासनका लागि नयाँ र जटिल चुनौती खडा गरेको छ।विशेषज्ञहरूका अनुसार जेन जी डिजिटल युगमै हुर्किएको पुस्ता भएकाले उनीहरू सामाजिक सञ्जालमार्फत छिट्टै संगठित हुन्छन्। टिकटोक, इन्स्टाग्राम वा एक्स जस्ता प्लेटफर्ममा छोटो समयमा हजारौँ युवामाझ जानकारी फैलिने भएकाले प्रशासनलाई तयारी गर्ने मौका नै नपाइ आन्दोलन सुरु भइसकेको हुन्छ।जेन जीको आन्दोलनमा प्रायः स्पष्ट नेतृत्व नहुने पनि प्रशासनका लागि चुनौतीपूर्ण बनेको छ। साझा विचार वा असन्तुष्टिको आधारमा सडकमा उत्रने भएकाले कससँग संवाद गर्ने भन्ने अन्योल बढ्छ। यसले आन्दोलन व्यवस्थापन र वार्तालाई जटिल बनाउँछ।युवाहरूका मागहरू पनि एकल विषयमा सीमित छैनन्। जलवायु परिवर्तन, रोजगारी अभाव, भ्रष्टाचारविरोधी अभियानदेखि सामाजिक न्यायसम्मका विभिन्न मुद्दा एकै पटक उठाइने हुँदा प्रशासनले कुन मागलाई प्राथमिकता दिने भन्नेमा कठिनाइ हुने गरेको छ।

सुरक्षा विशेषज्ञहरूले भने, यी चुनौतीको सामना गर्न प्रशासनले परम्परागत ढाँचा छोडेर नयाँ रणनीति अवलम्बन गर्नुपर्ने सुझाव दिएका छन्। उनीहरूको भनाइमा सामाजिक सञ्जाल गतिविधि निगरानी, युवा समूहहरूसँग संवाद, प्रविधि–मैत्री भीड नियन्त्रण, र नीतिनिर्माणमा युवाको प्रत्यक्ष संलग्नता नै प्रभावकारी उपाय हुन सक्छ।विश्लेषकहरू भन्छन्, “जेन जीको आन्दोलन केवल असन्तुष्टि होइन, सकारात्मक परिवर्तन चाहने आकांक्षासँग जोडिएको छ। प्रशासनले यो उर्जालाई अवसरका रूपमा लिन सके समाजलाई अगाडि बढाउन उपयोग गर्न सकिन्छ।”