काठमाडौं । नयाँ गीत “टाढा नजाउ” सार्वजनिक हुने तयारीमा रहेको छ। अरुणा रुम्बा को प्रस्तुतिमा र अदृश्य आर्ट्स को सहकार्यमा बनेको यो संगीतिक फिल्म (अफिसियल म्युजिक भिडियो) लाई किरण चापागाईं ले निर्देशन गरेका छन्।गीतमा शब्द अरुणा रुम्बा ले लेखेकी हुन् भने स्वर र संगीत अनुज लामा ले दिएका छन्। एरेन्जर निरोज लामा र मिक्स–मास्टर किशोर थापा रहेका छन्।भिडियोमा कलाकार पुनम लुम्जुमी मगर र पुकार चापागाईं को अभिनय देख्न सकिनेछ। छायांकन पंकज महरा, सम्पादन सन्स्कार उपाध्याय, र अन्य प्राविधिक टिमको विशेष योगदान रहेको छ।
गायक अनुज लामाबारेगायक तथा संगीतकार अनुज लामा को स्थायी घर सुनकोशी–७, सिन्धुली, जनकपुर हो। हाल उनी रोजगारीका लागि दुबईमा रहेका छन्।परिवार हाल काठमाडौंको पेप्सीकोला क्षेत्रमा बसोबास गर्दै आएको छ। उनका बाबु पूर्व प्रहरीकर्मी भई अहिले NIC Asia Bank, सिन्धुलीमा कार्यरत छन् भने आमा गृहिणी हुन्।
संगीतप्रति गहिरो रुचि राख्ने अनुज लामाले यसअघि पनि आफ्ना स्वर र सिर्जनात्मकता मार्फत दर्शक–श्रोतामाझ आफ्नो पहिचान बनाउँदै आएका छन्। नयाँ गीत “टाढा नजाउ” उनको संगीत यात्रामा अर्को महत्वपूर्ण कोसेढुंगा बन्ने अपेक्षा गरिएको छ।यो गीत छिट्टै ARUNA RUMBA Official YouTube Channel मार्फत सार्वजनिक गरिने छ।