बानेश्वरमा अराजकता मच्चाउने समूहलाई नेपाली सेनाले नियन्त्रणमा लियो

काठमाडौं। काठमाडौंको बानेश्वर क्षेत्रमा अराजकता फैलाउने समूहलाई नेपाली सेनाले नियन्त्रणमा लिएको छ। सेनाले राति १० बजेदेखि सुरक्षा व्यवस्थाको जिम्मा सम्हालेको र सोही क्रममा अराजक गतिविधिमा संलग्न केही युवाहरूलाई नियन्त्रणमा लिएको हो।

उनीहरूलाई नियन्त्रणमा लिई घुँडा टेकाएको भिडियो समेत सार्वजनिक भएको छ।

अवस्थालाई सामान्य बनाउन सेना परिचालन गरिएको र यस कार्यमा जनता तथा प्रदर्शनकारीहरूलाई सहयोग गर्न सेनाले अपिल पनि गरेको छ।

यो घटनाको थप विवरण आउन बाँकी छ।