बिज्नेसप्रेस:-स्वस्तिक लघुवित्तको आईपीओ बिक्री खुल्यो

काठमाडौं। स्वस्तिक लघुवित्त वित्तीय संस्थाले वैदेशिक रोजगारीमा रहेका नेपालीलाई प्रारम्भिक निष्कासन (आईपीओ) बिक्री खुलाएको छ। कम्पनीलाई धितोपत्र बोर्डले २ करोड ३१ लाख रुपैयाँ बराबरको २ लाख ३१ हजार कित्ता आईपीओ निष्कासन अनुमति दिएको छ। कम्पनीले वैदेशिक रोजगारीमा रहेका नेपालीलाई प्रतिकित्ता १०० रुपैयाँ दरले २३ हजार कित्ता आईपीओ बिक्री खुलाएको हो।

पहिलो चरणमा १० प्रतिशत सेयर वैदेशिक रोजगारीमा रहेका नेपालीलाई बिक्री गर्नेछ। ०.५० प्रतिशतले हुने ११ सय ५५ कित्ता सेयर कम्पनीका कर्मचारी र ५ प्रतिशतले हुने ११ हजार ५५० कित्ता सेयर म्युचुअल फन्डलाई छुट्याइएको छ।बाँकी १ लाख ९५ हजार ५९५ कित्ता सेयर दोस्रो चरणमा सर्वसाधारणलाई बिक्री गरिने कम्पनीले जनाएको छ।