प्रताप बाबु तिवारी नेपाल नागरिक उड्डयन प्राधिकरणको प्रवक्ता नियुक्त

काठमाडौं । नेपाल नागरिक उड्डयन प्राधिकरण  ले प्रताप बाबु तिवारीलाई संस्थाको नयाँ प्रवक्ताको रूपमा नियुक्त गरेको छ।

प्राधिकरणका स्रोतका अनुसार केही दिनअघि मात्रै तिवारी भैरहवा स्थित गौतमबुद्ध अन्तर्राष्ट्रिय विमानस्थलबाट प्राधिकरणको केन्द्रीय कार्यालय, काठमाडौंमा सरुवा भएका थिए। सरुवापछि उनलाई प्रवक्ताको जिम्मेवारी दिइएको प्राधिकरण स्रोतले बिजनेसप्रेसलाई जानकारी दिएको हो।

तिवारी लामो समयदेखि विमानस्थल व्यवस्थापन र प्रशासनिक कामकाजमा संलग्न रहँदै आएका छन्। प्रवक्ताको जिम्मेवारीसँगै उनले प्राधिकरणका सूचना आदान–प्रदान र सञ्चार सम्बन्धी कामकाजको समन्वय गर्नेछन्।