राजावादी नेता स्वागत नेपाललाई पक्राउ गर्ने तयारी, साइबर ब्युरोको आग्रहपछि बयान दिन तयार

काठमाडौं — राजावादी आन्दोलनका प्रवक्ता तथा अधिवक्ता स्वागत नेपाललाई प्रहरीले पक्राउ गर्ने तयारी गरेको छ। प्रधानमन्त्री सुशीला कार्कीविरुद्ध सामाजिक सञ्जालमार्फत भ्रम फैलाएको आरोपमा साइबर ब्युरोले उनलाई पक्राउ गर्न लागेको हो।स्रोतका अनुसार सोमबार प्रहरीको साइबर ब्युरोबाट फोनमार्फत नेपाललाई आफैं उपस्थित हुन अनुरोध गरिएको थियो। प्रहरीले फोनमार्फत तिहार मनाउन आग्रह गरे पनि, सो पश्चात नेपाल बयान दिन तयार भएको जनाएका छन्।

“भाइटीका लगाउनुस् न त भनेर प्रहरी अधिकारीले भन्नुभयो,” नेपालले बताए। “तिहारको बेला छ, तिहार मनाउनुहुन्छ कि? भनेर सोध्नुभयो। मैले भनेँ— ठीकै छ, दिदीबहिनीको हातबाट भाइटीका लगाउन दिनुहुन्छ भने लगाउँछु, आज लक्ष्मीपूजा छ गर्छु, तर आउनुपर्छ भने आउँछु। उहाँले भन्नुभयो— ठीकै छ, तिहार मनाउनोस् न त।”स्वागत नेपाल यसअघि पनि १५ चैतमा राजावादी आन्दोलनकै क्रममा पक्राउ परेका थिए। उनी सामाजिक सञ्जालमा सक्रिय हुँदै आफ्ना विचारहरू सार्वजनिक गर्दै आएका छन्।यस घटनाले अभिव्यक्ति स्वतन्त्रता र साइबर अपराधबीचको सन्तुलनबारे पुनः बहस सुरु गराएको छ।