एमालेमा आन्तरिक सङ्कट चुलिँदै : पोखरेल समूहको विद्रोह, फोर्स विवाद र चन्दा आतङ्कको आरोप

काठमाडौँ । नेकपा (एमाले) भित्र अध्यक्ष केपी शर्मा ओलीविरुद्ध गम्भीर असन्तुष्टि प्रकट भएको छ । बिहीबार दिउँसो १ बजेका लागि तय भएको पार्टीको पदाधिकारी बैठकअघि बुधबार साँझ थापागाउँस्थित मदन भण्डारी हीरक महोत्सवको कार्यालयमा वरिष्ठ उपाध्यक्ष ईश्वर पोखरेलको नेतृत्वमा ६ जना शीर्ष नेताको गोप्य भेला बसेर ओलीलाई चुनौती दिने रणनीति बनाएको उच्च स्रोतले बताएको छ ।

उक्त भेलामा पोखरेलसहित उपाध्यक्षहरू अष्टलक्ष्मी शाक्य, युवराज ज्ञवाली, सुरेन्द्र पाण्डे तथा सचिवहरू योगेश भट्टराई र गोकर्ण विष्ट सहभागी थिए । पूर्वराष्ट्रपति विद्या भण्डारी पनि सोही कार्यालयमा राजनीतिक गतिविधि सञ्चालन गरिरहेकी भए पनि बुधबारको भेलामा उनी उपस्थित थिइनन् ।

बैठकले चार मुख्य विषयमा ओलीसामु कडा प्रश्न उठाउने निर्णय गरेको छ :

बिहीबारको पदाधिकारी बैठकमा यी सबै विषय कडारूपमा उठे पनि अध्यक्ष ओलीले फोर्स घोषणाबाट पछि नहट्ने सङ्केत गरेको स्रोतले बताएको छ । “उहाँले देशलाई थप द्वन्द्वमा लैजाने गरी अघि बढ्नुभएको छ,” बैठकमै सहभागी एक पदाधिकारीले भने ।

एमालेको आगामी महाधिवेशन यसअघिको भन्दा निकै पेचिलो र विभाजनको सङ्घारमा पुग्ने संकेत देखिएको छ । ‘विद्या भण्डारी फ्याक्टर’ र पोखरेलको उम्मेदवारी घोषणासँगै पार्टीभित्रको सङ्कट थप चुलिने निश्चित देखिएको छ ।