चार जिल्लाका प्रमुख जिल्ला अधिकारी (सीडीओ) हरूको सरुवा कास्कीमा रुद्रादेवी शर्मा

गृह मन्त्रालयले चार जिल्लाका प्रमुख जिल्ला अधिकारी (सीडीओ) हरूको सरुवा गरेको छ। गृहमन्त्री रमेश लेखकले बर्दिया, कास्की, धनुषा र पाँचथरका सीडीओहरू परिवर्तन गर्ने निर्णय गरेका हुन्। सरुवा सूचीअनुसार मन्त्रालयमा रहेका सहसचिव सुरेन्द्र पौडेललाई बर्दियाको प्रमुख जिल्ला अधिकारीको रूपमा पठाइएको छ। त्यस्तै, शंकरहरि शर्मालाई धनुषा र अरुण पोखरेललाई पाँचथरमा सरुवा गरिएको छ। कास्कीको हकमा भने बर्दियाकी प्रमुख जिल्ला अधिकारी रुद्रादेवी शर्मालाई पठाइएको छ, जबकि कास्कीका हालका सीडीओ भरतमणि पाण्डेलाई मन्त्रालयमा तानिएको छ।