नेपाली कांग्रेसको केन्द्रीय कार्यसमिति घोषणा, सभापतिमा गगन थापा

नेपाली कांग्रेसको दोस्रो विशेष महाधिवेशनबाट निर्वाचित नयाँ केन्द्रीय कार्यसमितिको औपचारिक घोषणा गरिएको छ। काठमाडौंमा आइतबारदेखि जारी विशेष महाधिवेशनको अन्तिम परिणाम सार्वजनिक गर्दै केन्द्रीय निर्वाचन समितिले पार्टीको नयाँ नेतृत्व र सदस्यहरूको नामावली सार्वजनिक गरेको हो। निर्वाचन समितिका संयोजक वरिष्ठ अधिवक्ता सीताराम केसीका अनुसार सभापतिदेखि केन्द्रीय सदस्यसम्मका सबै पदमा निर्वाचन प्रक्रिया सफलतापूर्वक सम्पन्न भएको छ।घोषित परिणामअनुसार नेपाली कांग्रेसको सभापतिमा गगनकुमार थापा निर्वाचित हुनुभएको छ। उपसभापतिमा विश्वप्रकाश शर्मा र पुष्पा भुसाल निर्वाचित हुनुभएको छ भने महामन्त्री पदमा प्रदीप पौडेल र गुरुराज घिमिरे निर्वाचित हुनुभएको छ। पार्टीको शीर्ष नेतृत्वमा युवापुस्ताको उल्लेखनीय उपस्थिति देखिनु यस महाधिवेशनको मुख्य विशेषताका रूपमा हेरिएको छ। नेतृत्व चयनसँगै पार्टीभित्र नयाँ ऊर्जा र संगठनात्मक पुनर्संरचनाको अपेक्षा गरिएको छ।

पार्टीको सहमहामन्त्री पदमा समावेशी प्रतिनिधित्वअनुसार विभिन्न समूहबाट नेताहरू निर्वाचित भएका छन्। महिलातर्फ डा. डिला सङ्ग्रौला पन्त, दलिततर्फ प्रकाश रसाइली स्नेही, आदिवासी जनजातितर्फ बहादुरसिंह लामा, खसआर्यतर्फ उदयशमशेर राणा, मधेशीतर्फ मुक्ताकुमारी यादव, मुस्लिमतर्फ फर्मुल्ला मन्सुर, थारूतर्फ योगेन्द्र चौधरी र पिछडिएको क्षेत्रतर्फ कर्णबहादुर बुढा निर्वाचित हुनुभएको निर्वाचन समितिले जनाएको छ। यसले पार्टीको संगठनात्मक संरचनामा विविधता र समावेशितालाई प्राथमिकता दिएको देखिन्छ।खुला केन्द्रीय सदस्यतर्फ ३५ जना नेताहरू निर्वाचित भएका छन्। यस अन्तर्गत गोपालमान श्रेष्ठ, ओमकारप्रसाद श्रेष्ठ, अर्जुननरसिंह केसी, राजेन्द्रकुमार केसी, अर्जुनप्रसाद जोशी, सुरेशकुमार योङ्या, चिनकाजी श्रेष्ठ, सुधिर सिवाकोटी, भरत शाह, मधु आचार्य, अमृत अर्याल, ध्रुव वाग्ले, देवराज चालिसे, विनोद चौधरी, मोहन आचार्य, उज्ज्वल बराल, जनक गिरी र देवप्रसाद तिमिल्सिनालगायत नेताहरू निर्वाचित भएका छन्।

त्यस्तै खुला केन्द्रीय सदस्यतर्फ नै अजयबाबु सिवाकोटी, प्रेमबहादुर खड्का, जयराम लामिछाने, वसन्त भट्टराई, प्रदीप शर्मा, जगत जोशी, प्रमोदहरि गुरागाईं, डा. केदारनरसिंह केसी, विदुर बस्नेत, तीर्थजंग शाही, भरत खड्का, सुवास पोखरेल, शम्भु बुढाथोकी, धर्मराज गौतम, टेकराज पौडेल, तिलक रानाभाट र राजेन्द्र गोपाल सिंह निर्वाचित हुनुभएको छ।महिला खुला केन्द्रीय सदस्यतर्फ नौ जना निर्वाचित भएका छन्। यस समूहमा चम्पादेवी खड्का, धना खतिवडा, नानु बाँस्तोला, चिनु पोखरेल, जानकी सिंह, प्रतिमा गौतम, गीता सत्याल, सन्तोषी साउँद ऐर र दिलकुमारी राई चयन हुनुभएको छ। महिला सहभागितालाई मजबुत बनाउने उद्देश्यसहित कांग्रेसले महिला प्रतिनिधित्वलाई उल्लेखनीय स्थान दिएको देखिन्छ।

प्रदेशगत प्रतिनिधित्वअनुसार कोशी प्रदेशबाट शारदादेवी कोइराला, हिमालय कर्माचार्य र अग्नि पौडेल, मधेस प्रदेशबाट मधु शाही, रामानन्द यादव र बजरङ्ग नेपाली तथा बागमती प्रदेशबाट उमा दाहाल, जितनारायण श्रेष्ठ र रमेश धमला निर्विरोध चयन हुनुभएको छ। यसैगरी गण्डकी प्रदेशबाट विष्णुदेवी पाण्डे, रेशम बानियाँ र कृष्ण केसी, लुम्बिनी प्रदेशबाट पवित्राकुमारी अर्याल, केशव आचार्य र रामबहादुर कार्की निर्वाचित भएका छन्।कर्णाली प्रदेशबाट रमादेवी खड्का, दिक्पाल शाही र नारायण भट्टराई तथा सुदूरपश्चिम प्रदेशबाट निपा चोख्याल, हिमबहादुर रावल र नरेन्द्रप्रसाद भट्ट केन्द्रीय सदस्यमा निर्वाचित हुनुभएको छ। प्रदेशगत प्रतिनिधित्वमार्फत पार्टीले संघीय संरचनालाई संगठनात्मक रूपमा मजबुत बनाउने प्रयास गरेको देखिन्छ।विशेष समूहअन्तर्गत अपाङ्गता कोटाबाट प्रकाश पन्त, अल्पसङ्ख्यकतर्फ शिवनारायण सिंह गनगाई निर्वाचित हुनुभएको छ। दलित कोटातर्फ मैकुलाल बाल्मिकी, शिवबहादुर सुनार, धर्म नेपाली दर्जी, सूर्य विक र दिनेश सुनार निर्वाचित भएका छन्। आदिवासी जनजाति महिला कोटाबाट सपना राजभण्डारी, प्रमिला राई, मनकुमारी गुरुङ, कुशुमदेवी थापा मगर, लीलादेवी बोखिम लिम्बू, डा. अमिता प्रधान र छोन्दुल्होम शेर्पा चयन हुनुभएको छ।आदिवासी जनजाति खुला कोटाबाट तारामान गुरुङ, अष्टकुमार कवे, छन्दबहादुर पहराइ मगर, नगेन्द्र कुमाल, शम्भुलाल श्रेष्ठ, भीम श्रीष, नरेन्द्र केरुङ र दिपेन श्रेष्ठ निर्वाचित भएका छन्। खसआर्य महिलातर्फ उमा सिवाकोटी, बाला अधिकारी, मुना भुसाल, इन्दिरा कार्की, विनिता खड्का र सम्झना खत्री चयन हुनुभएको छ भने खसआर्य खुलातर्फ विजय स्वार, मथुरा घिमिरे, जगदीशचन्द्र उपाध्याय, विष्णुकुमार कार्की, विश्वनाथ रिजाल, केशव भेटुवाल र कमल भुसाल निर्वाचित भएका छन्।

मधेशी महिलातर्फ अञ्जु झा, चन्द्रकलाकुमारी यादव, गोमा अन्सारी र निलम साह चयन हुनुभएको छ। मधेशी खुलातर्फ रामपल्टन शाह, नागेन्द्र शाह, राधेश्याम पाठक, सनिलकुमार यादव र रामरुप प्रसाद निर्विरोध निर्वाचित भएका छन्। मुस्लिम महिलातर्फ सनम वेगम, मुस्लिम खुलातर्फ अब्दुल रज्जाक गद्दी र अब्दुल सत्तार निर्वाचित भएका छन्। थारू महिलातर्फ नवोदिता चौधरी र सुनिता राना तथा थारू खुलातर्फ सुरेन्द्रप्रसाद चौधरी र गोपाल दहित चयन हुनुभएको छ। पिछडिएको क्षेत्रतर्फ खुला केन्द्रीय सदस्यमा दीपकजङ्ग शाह निर्वाचित हुनुभएको छ।घोषित समितिका सभापति गगनकुमार थापाले हिजो राति नै निर्वाचन समितिका संयोजक वरिष्ठ अधिवक्ता सीताराम केसीसमक्ष पद तथा गोपनीयताको शपथ ग्रहण गर्नुभएको छ। अन्य पदाधिकारी तथा केन्द्रीय सदस्यहरूको शपथ ग्रहण कार्यक्रम भने आज दिउँसो आयोजना गरिने निर्वाचन समितिले जनाएको छ। दोस्रो विशेष महाधिवेशनबाट निर्वाचित नयाँ केन्द्रीय कार्यसमितिले पार्टीलाई आगामी राजनीतिक चुनौतीहरू सामना गर्न सशक्त बनाउने अपेक्षा गरिएको छ।