फर्पिङबाट लागु औषधसहित दुई जनालाई पक्राउ

काठमाडौं। काठमाडौंको फर्पिङबाट प्रहरीले लागु औषधसहित दुई जनालाई पक्राउ गरेको छ। हेटौँडाबाट टाटा सुमो चढेर काठमाडौंतर्फ आउँदै गरेका उनीहरू फर्पिङ चेकपोस्टबाट पक्राउ परेका हुन्।
पक्राउ पर्नेमा रौतहटको गरुडा नगरपालिका ९ घर भएका २९ वर्षीय राज किशोर सहनी र गौर नगरपालिका घर भएका २८ वर्षीय सुखारिस सहनी छन्। 
आरोपीको साथबाट २ हजार ९३० एम्पुल फेनारगन, नुर्फिन, डाइजेपाम र बुप्रेनोर्फिन बरामद गरिएको जिल्ला प्रहरी परिसर काठमाडौंका एसपी अपिल बोहराले बताए।